ന്യൂഡല്ഹി: ദേശീയ വിദ്യാഭ്യാസ നയം (NEP 2020) ഫലപ്രദമായി നടപ്പിലാക്കുന്നതിന് സര്വകലാശാലകളെ സഹായിക്കാൻ യൂണിവേഴ്സിറ്റി ഗ്രാന്റ്സ് കമ്മീഷൻ (യു.ജി.സി) അഞ്ച് സോണല് കമ്മിറ്റികള് രൂപീകരിച്ചു.എൻ.ഇ.പി 2020 ന്റെ കാഴ്ചപ്പാട് നിറവേറ്റുന്നതിനും ആനുകൂല്യങ്ങള് വലിയൊരു വിഭാഗത്തില് എത്തിച്ചേരുന്നുവെന്ന് ഉറപ്പാക്കുന്നതിനുമാണ് സോണല് കമ്മിറ്റികള് രൂപീകരിക്കാനുള്ള തീരുമാനമെടുത്തത്.
ഇവയില് വടക്ക്, വടക്കുകിഴക്കൻ, കിഴക്ക്, പടിഞ്ഞാറൻ, തെക്ക്, മധ്യ മേഖലകള് ഉള്ക്കൊള്ളുന്നു. കൂടാതെ കേന്ദ്ര, സംസ്ഥാന, സ്വകാര്യ സര്വകലാശാലകളില് നിന്നുള്ള വൈസ് ചാൻസലര്മാര് ഇതിലുള്പ്പെടുന്നു.
നിലവിലുള്ളതും ഭാവിയിലുള്ളതുമായ ആഗോള, ദേശീയ സാഹചര്യങ്ങളില് വെല്ലുവിളികളെ അഭിമുഖീകരിക്കാൻ യുവാക്കളെ സജ്ജരാക്കുക എന്നതാണ് ദേശീയ വിദ്യാഭ്യാസ നയത്തിന്റെ ലക്ഷ്യം. ഗുജറാത്തിലെ ബറോഡയിലെ മഹാരാജ് സയാജിറാവു യൂണിവേഴ്സിറ്റി ഒക്ടോബര് 26-ന് ദേശീയ വിദ്യാഭ്യാസ നയം നടപ്പിലാക്കുന്നതിനെക്കുറിച്ചുള്ള ആദ്യ സമ്മേളനം സംഘടിപ്പിക്കും. രാവിലെ 9 മുതല് വൈകുന്നേരം 5 വരെയാണ് സമ്മേളനം. അധ്യാപകര്, വിദ്യാര്ഥികള്, ജീവനക്കാര് എന്നിവരുടെ ഉന്നമനത്തിനായി സര്വകലാശാലകളും കോളേജുകളും കോണ്ഫറൻസിന്റെ തത്സമയ സ്ട്രീമില് ചേരണമെന്ന് യു.ജി.സി അഭ്യര്ത്ഥിച്ചു.