മലയാളികളുടെ പ്രിയപ്പെട്ട തെന്നിന്ത്യന്‍ താരങ്ങളിലൊരാളാണ് വിജയ് ദേവരകൊണ്ട. ഇപ്പോഴിതാ തന്റെ ചിത്രം പച്ചകുത്തിയ ആരാധികയ്ക്ക് സര്‍പ്രൈസുമായി എത്തിയിരിക്കുകയാണ് വിജയ് ദേവരകൊണ്ട . ഏറ്റവും പുതിയ ചിത്രമായ ‘ലൈഗറി’ന്റെ പ്രമോഷന്റെ ഭാഗമായായിരുന്നു വിജയ് ദേവരകൊണ്ട ആരാധികയെ കാണാനായി എത്തിയത്.വിജയ് ദേവെരകൊണ്ടയുടെ മുഖം ആരാധിക ശരീരത്തില്‍ ടാറ്റൂ ചെയ്തിരുന്നു. ഇത് താരത്തിന് നേരിട്ട് കാണിച്ചു കൊടുക്കുകയും ചെയ്തു.
തന്റെ പ്രിയ താരത്തെ നേരില്‍ കണ്ടതോടെ പൊട്ടിക്കരഞ്ഞ ആരാധികയെ വിജയ് ദേവരകൊണ്ട ചേര്‍ത്തുപിടിച്ചു. ‘ലൈഗര്‍’ എന്ന ചിത്രത്തിന്റെ സംവിധായകന്‍ പുരി ജഗനാഥും വിജയ്‌ക്കൊപ്പമുണ്ടായിരുന്നു. നടന്‍ വിജയ് ദേവരകൊണ്ടയും ആരാധികയും തമ്മിലുള്ള കൂടിക്കാഴ്ചയുടെ ഫോട്ടോ സാമൂഹ്യമാദ്ധ്യമങ്ങളില്‍ തരംഗമായിക്കൊണ്ടിരിക്കുകയാണ്.
