ചെന്നൈ: മുന് എം.പിയായ ഡി.എം.കെ.നേതാവിനെ കൊലപ്പെടുത്തിയ കേസില് സ്വന്തം സഹോദരന് അറസ്റ്റില്. തമിഴ്നാട് ന്യൂനപക്ഷ കമ്മിഷന് വൈസ് ചെയര്മാനും മുന് രാജ്യസഭാ എം.പിയുമായിരുന്ന എം.ഡി.
മസ്താന്റെ മരണവുമായി ബന്ധപ്പെട്ടാണ് ഇയാളുടെ ഇളയ സഹോദരന് ഗൗസ് പാഷ അറസ്റ്റിലായത്. കുടുംബ സ്വത്തിനെ ചൊല്ലിയുള്ള തര്ക്കത്തെ തുടര്ന്നായിരുന്നു കൊല.ന്യൂനപക്ഷ കമ്മിഷന് വൈസ് ചെയര്മാനായിരുന്ന എം.ഡി. മസ്താനെ ഡിസംബര് 22നാണു മരിച്ച നിലയില് ഡ്രൈവറും ബന്ധുവും ചെങ്കല്പേട്ടിലെ ആശുപത്രിയിലെത്തിക്കുന്നത്. യാത്രക്കിടെ ഹൃദയാഘാതമുണ്ടായെന്നായിരുന്നു കൂടെയുണ്ടായിരുന്നവര് നല്കിയ മൊഴി. എന്നാല് മൂക്കിലും മുഖത്തുമുണ്ടായിരുന്ന പരുക്കുകള് ശ്രദ്ധിച്ച മകന് ഗുഡുവഞ്ചേരി പൊലീസില് പരാതി നല്കുകായിരുന്നു.തുടര്ന്നു ഡ്രൈവര് ഇമ്രാന്, ബന്ധു സുല്ത്താന്, നാസര് തുടങ്ങി അഞ്ചുപേരെ പൊലീസ് അറസ്റ്റ് ചെയ്തു. ഈകേസിലാണ് ഇമ്രാന്റെ ഭാര്യപിതാവും കൊല്ലപ്പെട്ട മസ്താന്റെ ഇളയ സഹോദരനുമായ ഗൗസ് പാഷയുടെ അറസ്റ്റ് രേഖപ്പെടുത്തിയത്.