ഖത്തര്‍ ലോകകപ്പിന് ഇനി വെറും 16 ദിവസങ്ങള്‍ മാത്രമാണ് ബാക്കിയുള്ളത്. ലീഗുകളിലെ തുടര്‍മത്സരങ്ങളുടെ പ്രശ്നങ്ങള്‍ കാരണം ഒരുപാട് താരങ്ങള്‍ ഇതിനോടകം തന്നെ പരിക്കേറ്റ് ലോകകപ്പില്‍ നിന്നും പുറത്തായിട്ടുണ്ട്.
പോഗ്ബ, കാന്‍്റെ, ജോട്ട, റീസ് ജയിംസ് തുടങ്ങിയ താരങ്ങള്‍ ഒക്കെ അതിന് ഉദാഹരണങ്ങള്‍ ആണ്. ഡിമരിയ, ഡിബാല, കെയ്ല്‍ വാക്കര്‍, വരാനെ എന്നിവരൊക്കെ ഖത്തറില്‍ ഉണ്ടാകുമോയെന്ന് ഇതുവരെ ഉറപ്പായിട്ടില്ല.
എന്തായാലും ജര്‍മന്‍ ടീമിന് നിരാശ പകരുന്ന വാര്‍ത്തയാണ് പുറത്തേക്ക് വരുന്നത്. അവരുടെ ഫോര്‍വേര്‍ഡ് താരമായ ടിമോ വെര്‍ണര്‍ ലോകകപ്പില്‍ നിന്നും പുറത്തായിരിക്കുന്നു. യുവേഫ ചാമ്ബ്യന്‍സ് ലീഗിലെ ശാക്തെര്‍ ഡൊണെറ്റ്സ്കിനെതിരെ നടന്ന അവസാന മത്സരത്തിലാണ് താരത്തിന് പരിക്കേറ്റത്. മത്സരത്തിന്‍്റെ 19ആം മിനിറ്റില്‍ തന്നെ വെര്‍ണര്‍ പരിക്കേറ്റ് പുറത്താവുകയായിരുന്നു. ആങ്കിള്‍ ലിഗമെന്‍്റ് ഇഞ്ചുറിയാണ് താരത്തിന് പിടിപെട്ടിരിക്കുന്നത്. ജര്‍മന്‍ ക്ലബായ ആര്‍.ബി ലീപ്സിഗിന് വേണ്ടിയാണ് താരം കളിക്കുന്നത്. എന്തായാലും ലോകകപ്പിന് വേണ്ടി കാത്തിരിക്കുന്ന ജര്‍മന്‍ ആരാധകര്‍ക്ക് നിരാശ നല്‍കുന്ന വാര്‍ത്തയായി ടിമോ വെര്‍ണറിന്‍്റെത്. എത്രയും പെട്ടെന്ന് താരത്തിന് റിക്കവര്‍ ആകുവാന്‍ കഴിയട്ടെ എന്നു നമുക്ക് പ്രാര്‍ത്ഥിക്കാം.
