നൂഡല്‍ഹി : ഡല്‍ഹി ചീഫ് സെക്രട്ടറിയോട് റിപ്പോര്‍ട്ട് തേടി കേന്ദ്ര ആഭ്യന്തര മന്ത്രാലയം.ജയിലില്‍ കഴിയുന്ന എഎപി നേതാവ് സത്യേന്ദര്‍ ജെയിനുമായി തിഹാര്‍ ജയില്‍ ഉദ്യോഗസ്ഥര്‍ ഒത്തുകളിക്കുന്നുവെന്ന ആരോപണം ഉയരുന്ന സാഹചര്യത്തിലാണ് ആഭ്യന്തര മന്ത്രാലയം റിപ്പോര്‍ട്ട് തേടിയിരിക്കുന്നത്.
ഇഡിയാണ് സത്യേന്ദറിന് ഉദ്യോഗസ്ഥര്‍ പരിഗണന നല്‍കുന്നുണ്ടെന്ന് തിങ്കളാഴ്ച പ്രത്യേക കോടതിയെ അറിയിച്ചത്.
ഇതിനു പുറമെ ഇതിന്റെ തെളിവുകളും ഇഡി കോടതിയില്‍ ഹാജരാക്കി. ജയിലില്‍ കഴിയുന്ന സത്യേന്ദറിന് പുറത്ത് നിന്നെത്തിയ അജ്ഞാതന്‍ ബോഡി മസ്സാജ് ചെയ്യുന്നതിന്റെ സിസിടിവി ദൃശ്യങ്ങളാണ് ഇഡി കോടതിയില്‍ സമര്‍പ്പിച്ചത്. ഇയാള്‍ക്ക് ജയിലില്‍ പ്രത്യേക ഭക്ഷണം നല്‍കയിരുന്നു.
ഈ കേസിലെ കൂട്ടുപ്രതിയായ അങ്കുഷ് ജെയ്നിന്റെ സെല്‍ അജ്ഞാതര്‍ വൃത്തിയാക്കാന്‍ എത്തി തുടങ്ങിയ കാര്യങ്ങളും ഇഡി കോടതിയെ അറിയിച്ചു.തിഹാര്‍ ജയിലിന്റെ നടത്തിപ്പ് ഡല്‍ഹി ജയില്‍ വകുപ്പിനാണ്. നിലവിലെ സാഹചര്യത്തില്‍ ഇഡിയുടെ കണ്ടെത്തല്‍ ശരിയാണെങ്കില്‍ വലിയ രീതിയിലുള്ള നിയമ ലംഘനമാണ് തിഹാര്‍ ജയിലില്‍ നടന്നിരിക്കുന്നത്.
ഇതിന് പുറമെ ബോളിവുഡ് താരം ജാക്വലിന്‍ ഫെര്‍ണാണ്ടസ് കള്ളപ്പണം വെളുപ്പിക്കല്‍ കേസില്‍ ജയിലില്‍ കഴിയുന്ന സുകേഷ് ചന്ദ്രശേഖറിനും സത്യേന്ദര്‍ ജെയിനും എതിരെ ഡല്‍ഹി ലഫ്റ്റനന്റ് ഗവര്‍ണര്‍ക്ക് കത്തയച്ചിരുന്നു. 2019 ല്‍ സത്യേന്ദര്‍ ജെയിന് സുകേഷ് 10 കോടി രൂപ നല്‍കിയെന്നാണ് കത്തില്‍ താരം ആരോപിക്കുന്നത്. കുടാതെ ചന്ദ്രശേഖറിന് പാര്‍ട്ടിയില്‍ പ്രത്യേക പദവി നല്‍കാമെന്ന വാഗ്ദാനത്തില്‍ 50 കോടിയിലധികം രൂപ എഎപിക്ക് നല്‍കിയെന്നും രാജ്യസഭയിലേക്ക് നാമനിര്‍ദ്ദേശം ചെയ്യപ്പെടാന്‍ സഹായിച്ചെന്നും കത്തില്‍ ഇവര്‍ വ്യക്തമാക്കുന്നു.
