ശ്രീനഗര്‍|ജമ്മുകാശ്മീരിലെ രജൗരിയില്‍ ഭീകരരുമായുള്ള ഏറ്റുമുട്ടലില്‍ അഞ്ച്സൈനികര്‍ക്ക് വീരമൃത്യു.
കഴിഞ്ഞ മൂന്ന് ദിവസത്തിനിടെ കേന്ദ്രഭരണപ്രദേശത്തുണ്ടായ മൂന്നാമത്തെ ഏറ്റുമുട്ടലാണിത്.രജൗരി സെക്ടറിലെ കാണ്ടി വനമേഖലയില്‍ ഭീകരരുടെ സാന്നിധ്യമുണ്ടെന്ന രഹസ്യ വിവരത്തിന്റെ അടിസ്ഥാനത്തില്‍ ഇന്ന് രാവിലെയാണ് സൈന്യം ഓപ്പറേഷന്‍ ആരംഭിച്ചത്. ചെങ്കുത്തായ പാറക്കെട്ടുകളും ഇടതൂര്‍ന്ന മരങ്ങളുമുളള പ്രദേശമാണിത്.
ഏറ്റുമുട്ടലിനിടെ സൈനികര്‍ക്കെതിരെ ഭീകരര്‍ സ്‌ഫോടകവസ്തു പ്രയോഗിച്ചു.ഇതിനിടെയാണ് അഞ്ച് സൈനികര്‍ കൊല്ലപ്പെട്ടതെന്നാണ് സൈന്യം വ്യക്തമാക്കുന്നത്.ഏറ്റുമുട്ടല്‍ സ്ഥലത്തേക്ക് കൂടുതല്‍ സൈന്യത്തെ അയച്ചിട്ടുണ്ട്.
