പനാജി: ഗോവയില് വെച്ചുനടക്കുന്ന ഇന്റര്നാഷണല് ഫിലിം ഫെസ്റ്റിവല് ഓഫ് ഇന്ത്യയുടെ ഉദ്ഘാടന ചിത്രമായി മലയാള ചിത്രം ‘ആട്ടം’.
ആനന്ദ് ഏകര്ഷി സംവിധാനം ചെയ്ത ചിത്രത്തില് കേന്ദ്ര കഥാപാത്രത്തെ അവതരിപ്പിച്ചിരിക്കുന്നത് വിനയ് ഫോര്ട്ടാണ്. 20 നോണ് ഫീച്ചര് സിനിമകളും 25 ഫീച്ചര് സിനിമകളുമാണ് ഫെസ്റ്റിവലിലേക്ക് തിരഞ്ഞെടുത്തത്. നവംബര് 20 മുതല് 28 വരെ ഗോവയിലാണ് 54-ാമത് ചലച്ചിത്ര മേള നടക്കുന്നത്.
അതേസമയം, ഏഴ് മലയാളം സിനിമകളാണ് ഇത്തവണ ചലച്ചിത്രമേളയിലേക്ക് തിരഞ്ഞെടുക്കപ്പെട്ടിരിക്കുന്നത്. രോഹിത് എംജി കൃഷ്ണന് സംവിധാനം ചെയ്ത ഇരട്ട, ജിയോ ബേബിയുടെ മമ്മൂട്ടി-ജ്യോതിക ചിത്രം കാതല്, രതീഷ് ബാലകൃഷ്ണ പൊതുവാളിന്റെ ന്നാ താന് കേസ് കൊട്, ഗണേഷ് രാജിന്റെ പൂക്കാലം, ജൂഡ് ആന്റണി ജോസഫിന്റെ 2018, വിഷ്ണു ശശി ശങ്കര് സംവിധാനം ചെയ്ത മാളികപ്പുറം എന്നീ സിനിമകളാണ് മേളയില് പ്രദര്ശിപ്പി്ക്കുന്നത്.