എറണാകുളം: മുഖ്യമന്ത്രിക്കെതിരായ ഗൂഢാലോചനക്കേസില് സ്വപ്നയുടെയും സരിത്തിന്റെയും മുന്കൂര് ജാമ്യാപേക്ഷ ഹൈക്കോടതി തള്ളി.
സ്വപ്ന സുരേഷിന്റെ മുന്കൂര് ജാമ്യാപേക്ഷ നിയമപരമായി നിലനില്ക്കില്ലെന്ന സര്ക്കാര് വാദം കോടതി അംഗീകരിക്കുകയായിരുന്നു. ജാമ്യം ലഭിക്കാവുന്ന വകുപ്പുകള് മാത്രമാണ് സ്വപ്നക്കെതിരെ ചുമത്തിയിട്ടുള്ളത്, സരിത്ത് കേസില് പ്രതിയല്ല എന്നീ വാദങ്ങള് അംഗീകരിച്ചാണ് കോടതി ഹര്ജി തള്ളിയത്.
ഗൂഢാലോചന സംബന്ധിച്ച് അന്വേഷണം നടത്തണമെന്ന് ആവശ്യപ്പെട്ട് കെടി ജലീല് നല്കിയ പരാതിയില് കേസെടുത്തതിനെ തുടര്ന്നാണ് സ്വപ്നയും സരിത്തും കോടതിയെ സമീപിച്ചത്. ജനപക്ഷം നേതാവ് പിസി ജോര്ജും കേസില് പ്രതിയാണ്. ഗൂഢാലോചന, കലാപശ്രമം അടക്കമുള്ള വകുപ്പുകള് ചേര്ത്താണ് കേസെടുത്തത്.