ഗള്‍ഫിലേക്ക് മരുന്ന് ​കൊണ്ടുപോകുമ്ബോള്‍ ഈ കാര്യങ്ങള്‍ ശ്രദ്ധിക്കാം

ദു​ബൈ: സു​ഖ​മി​ല്ലാ​ത്ത അ​നു​ജ​നു​വേ​ണ്ടി നാ​ട്ടി​ല്‍​നി​ന്ന്​ വാങ്ങിയ ഗുളികകളു​മായിട്ടായിരുന്നു പാ​ല​ക്കാ​ട്​ ചെര്‍പ്പുള​ശേ​രി സ്വ​ദേ​ശി നൗ​ഫ​ലി​ന്റെ അ​ല്‍​ഐ​ന്‍ യാത്ര.

ഒ​രു​വ​ര്‍ഷം വ​രെ​യു​ള്ള ഗു​ളി​ക​ക​ള്‍ കൊ​ണ്ടു​പോ​കാ​മെ​ന്ന്​ മെ​ഡി​ക്ക​ല്‍ ഷോ​പ്പു​കാ​ര്‍ അ​റി​യി​ച്ച​ത​നു​സ​രി​ച്ച്‌​ 289 ഉ​റ​ക്ക ഗു​ളി​ക​കളാ​ണ്​ വാ​ങ്ങി​യ​ത്.

എന്നാല്‍, എല്ലാം കീഴ്മേല്‍ മറിഞ്ഞത് പെട്ടെന്നായിരുന്നു. അ​ല്‍​ഐ​ന്‍ വി​മാ​ന​ത്താ​വ​ള​ത്തി​ല്‍ ഇ​റ​ങ്ങി​യ​പ്പോ​ള്‍ ന​ട​ത്തി​യ പ​രി​ശോ​ധ​ന​യി​ല്‍ ഗു​ളി​ക ക​​ണ്ടെ​ത്തി കേ​സെ​ടു​ത്തു. എണ്ണം കൂടിയതാണ് പ്രശ്നമായത്. ഇതിന്റെ പേരില്‍ 90 ദി​വ​സ​മാണ് ഈ യുവാവ് ജയിലില്‍ കിടന്നത്. കനത്ത പിഴ ചുമത്തിയിരുന്നെങ്കിലും സത്യാവസ്ഥ ബോധ്യപ്പെട്ടതോടെ കോടതി ഇത് ഒ​ഴി​വാക്കി കൊടുത്തു.

മാ​ര്‍​ച്ച്‌​ പ​ത്തി​നാ​ണ്​ സം​ഭ​വം. അ​ബൂ​ദ​ബി​യി​ല്‍ ആ​ര്‍​ക്കി​ടെ​ക്ടാ​യ നൗ​ഫ​ലും അ​നു​ജ​നും ഒ​രു​മി​ച്ചാ​യി​രു​ന്നു യാ​ത്ര​യെ​ങ്കി​ലും നൗ​ഫ​ലി​ന്‍റെ ബാ​ഗി​ലാ​ണ്​ ഗു​ളി​ക വെ​ച്ചി​രു​ന്ന​ത്. വിമാനത്താവളത്തില്‍ പിടിയിലായപ്പോള്‍, ഈ ​ഗു​ളി​ക​ക്ക്​​ യു.​എ.​ഇ​യി​ല്‍ നി​യ​ന്ത്ര​ണ​മു​ണ്ടെ​ന്നും ചെ​റി​യ അ​ള​വാ​യി​രു​ന്നെ​ങ്കി​ല്‍ കു​ഴ​പ്പ​മി​ല്ലെ​ന്നു​മാ​യി​രു​ന്നു​വെ​ന്നും അ​ധി​കൃ​ത​ര്‍ പ​റ​ഞ്ഞ​പ്പോ​ഴാ​ണ്​ നൗ​ഫ​ല്‍ അബദ്ധം തിരിച്ച​റി​യു​ന്ന​ത്. വി​മാ​ന​ത്താ​വ​ള​ത്തി​ല്‍​നി​ന്ന്​ നൗ​ഫ​ലി​നെ ജ​യി​ലി​ലേ​ക്ക്​ മാ​റ്റി. ഒ​രാ​ഴ്ച റി​മാ​ന്‍​ഡ്​ ചെ​യ്തു. ​പ്രോ​സി​ക്യൂ​ഷ​ന്​ മു​ന്നി​ല്‍ ഹാ​ജ​രാ​ക്കി​യെ​ങ്കി​ലും ഗു​ളി​ക​യു​ടെ എ​ണ്ണം കൂ​ടു​ത​ലാ​യ​തി​നാ​ല്‍ 20,000 ദി​ര്‍​ഹം പി​ഴ​യും നാ​ടു​ക​ട​ത്ത​ലും വി​ധി​ച്ചു. ഇ​തേ​തു​ട​ര്‍​ന്ന്​ അ​ഡ്വ. പി.​എ. ഹ​ക്കീം വ​ഴി അ​പ്പീ​ല്‍ ന​ല്‍​കി​.

നൗ​ഫ​ലി​ന്‍റെ അ​നു​ജ​നെ​യും വി​ളി​ച്ചു​വ​രു​ത്തി വി​വ​രം അ​ന്വേ​ഷി​ച്ച കോ​ട​തി നൗ​ഫ​ല്‍ കു​റ്റ​ക്കാ​ര​ന​ല്ലെ​ന്ന്​ വി​ധി​ച്ചു. നൗ​ഫ​ലി​ന്‍റെ അ​വ​സ്ഥ മ​ന​സ്സി​ലാ​ക്കി​യ​തി​നാ​ല്‍ സൗ​ജ​ന്യ​മാ​യാ​ണ്​ അ​ഡ്വ. പി.​എ. ഹ​ക്കീം കേ​സ്​ ഏ​റ്റെ​ടു​ത്ത​ത്. അ​ബൂ​ദ​ബി​യി​ലെ അ​ഭി​ഭാ​ഷ​ക​നാ​യ അ​ന്‍​സാ​രി വ​ഴി ഏ​ര്‍​പെ​ടു​ത്തി​യ സ്വ​ദേ​ശി​യാ​യ അ​ഭി​ഭാ​ഷ​ക​നാ​ണ്​ കോ​ട​തി​യി​ല്‍ നൗ​ഫ​ലി​നാ​യി ഹാ​ജ​രാ​യ​ത്. 90 ദി​വ​സ​ത്തി​നു​ശേ​ഷം ക​ഴി​ഞ്ഞ ദി​വ​സം നൗ​ഫ​ല്‍ ജ​യി​ലി​ല്‍​നി​ന്ന്​ പു​റ​ത്തി​റ​ങ്ങി.

സ​മാ​ന​മാ​യ സം​ഭ​വ​ങ്ങ​ളി​ല്‍ നി​ര​പ​രാ​ധി​ക​ള്‍ ജ​യി​ലി​ലാ​കു​ന്ന​ത്​ പ​തി​വാ​ണ്. അ​റി​വി​ല്ലാ​യ്‍മ​കൊ​ണ്ടും അ​ശ്ര​ദ്ധ കൊ​ണ്ടു​മാ​ണ്​ ഇ​ത്​ സം​ഭ​വി​ക്കു​ന്ന​ത്.

മ​രു​ന്ന്​ കൊ​ണ്ടു​വ​രു​മ്ബോ​ള്‍ ഈ കാര്യങ്ങള്‍ ശ്ര​ദ്ധി​ക്ക​ണം:

• കൊ​ണ്ടു​വ​രു​ന്ന മ​രു​ന്ന് ഈ ​രാ​ജ്യ​ത്ത് നി​രോ​ധി​ക്ക​പ്പെ​ട്ട​താ​ണോ എ​ന്ന് ഉ​റ​പ്പു​വ​രു​ത്ത​ണം.
• മ​രു​ന്നി​ന്‍റെ ബി​ല്ലും ഡോ​ക്ട​റു​ടെ കു​റി​പ്പും സ്വ​ന്തം ഉ​പ​യോ​ഗ​ത്തി​നാ​ണെ​ങ്കി​ല്‍ ഡോ​ക്ട​റു​ടെ സ​ര്‍​ട്ടി​ഫി​ക്ക​റ്റും ക​രു​ത​ണം.
• അ​പ​രി​ചി​ത​രി​ല്‍​നി​ന്ന് ഒ​രു​കാ​ര​ണ​വ​ശാ​ലും മ​രു​ന്ന് സ്വീ​ക​രി​ക്ക​രു​ത്.
• അ​ധി​കൃ​ത​രു​ടെ ചോ​ദ്യ​ത്തി​ന് വ്യ​ക്ത​മാ​യ ഉ​ത്ത​രം ന​ല്‍​കാ​ന്‍ ക​ഴി​യാ​ത്ത​താ​ണ് പ​ല​ര്‍​ക്കു​മെ​തി​രെ ന​ട​പ​ടി​ക്ക് കാ​ര​ണ​മാ​കു​ന്ന​ത്. അ​തി​നാ​ല്‍, വി​മാ​ന​ത്താ​വ​ളം അ​ധി​കൃ​ത​ര്‍ ചോ​ദി​ക്കു​മ്ബോ​ള്‍ രേ​ഖ​ക​ള്‍ സ​ഹി​തം കൃ​ത്യ​മാ​യ ഉ​ത്ത​രം പ​റ​യാ​ന്‍ ക​ഴി​യ​ണം.