ന്യൂഡല്‍ഹി: ഡല്‍ഹിയിലെ അവസാനത്തെ 3 കോവിഡ് കെയര്‍ സെന്ററുകള്‍ പൊളിച്ചുമാറ്റും.
നഗരത്തില്‍ അവശേഷിക്കുന്ന മൂന്ന് കോവിഡ് കെയര്‍ സെന്ററുകള്‍ പൊളിച്ച്‌ സ്ഥലം ഒഴിയാന്‍ അനുമതി നല്‍കിയെങ്കിലും ഉത്സവ സീസണ്‍ കണക്കിലെടുത്ത് കൊവിഡ്-19 നെതിരെ തുടര്‍ച്ചയായ ജാഗ്രത പാലിക്കേണ്ടതിന്റെ ആവശ്യകതയെക്കുറിച്ച്‌ അധികൃതര്‍ ഊന്നിപ്പറഞ്ഞു.
ഡല്‍ഹി ഡിസാസ്റ്റര്‍ മാനേജ്‌മെന്റ് അതോറിറ്റി സെപ്തംബര്‍ 22 ന് ചേര്‍ന്ന യോഗത്തില്‍ ദേശീയ തലസ്ഥാനത്തെ കോവിഡ് -19 സ്ഥിതിഗതികള്‍ ചര്‍ച്ച ചെയ്തു. വാക്സിനേഷന്‍ രംഗത്ത് ഡല്‍ഹിക്ക് കുറച്ചുകൂടി മെച്ചപ്പെടാന്‍ കഴിയുമെന്ന് ഡിഡിഎംഎ ചെയര്‍മാനായ വി കെ സക്സേന പറഞ്ഞു.
മുന്‍കരുതല്‍ ഡോസിന് അര്‍ഹരായ 1.33 കോടി ഗുണഭോക്താക്കളില്‍ 31.49 ലക്ഷം (24 ശതമാനം) പേര്‍ മാത്രമാണ് സെപ്തംബര്‍ 20 വരെ മുന്‍കരുതല്‍ ഡോസുകള്‍ എടുത്തിട്ടുള്ളതെന്ന് കണ്ടെത്തി. വരാനിരിക്കുന്ന ഉത്സവങ്ങള്‍ കണക്കിലെടുത്ത് തുടര്‍ച്ചയായതും കര്‍ശനവുമായ ജാഗ്രത ആവശ്യമാണെന്ന് സക്സേന പറഞ്ഞു.
