കാസര്കോട്: കേന്ദ്ര നയങ്ങള്ക്കെതിരെ സി.പി.എം സംസ്ഥാന സെക്രട്ടറി എം.വി ഗോവിന്ദന് നയിക്കുന്ന ജനകീയ പ്രതിരോധ ജാഥയ്ക്ക് ഇന്ന് തുടക്കം.
ജാഥ വൈകിട്ട് കാസര്കോട് കുമ്ബളയില് മുഖ്യമന്ത്രി പിണറായി വിജയന് ഉദ്ഘാടനം ചെയ്യും.
ഒരു മാസം നീളുന്ന ജനകീയ പ്രതിരോധ ജാഥയ്ക്കാണ് ഇന്ന് തുടക്കമാകുന്നത്. കേന്ദ്രസര്ക്കാരിന്്റെ ജനവിരുദ്ധവും ദേശവിരുദ്ധവുമായ നടപടികള്ക്കെതിരെയാണ് സി.പി.എം സംസ്ഥാന സെക്രട്ടറി എന്ന നിലയില് എം.വി ഗോവിന്ദന് നയിക്കുന്ന ആദ്യ സംസ്ഥാനതല പ്രചാരണം. ഇടത് സര്ക്കാരിന്്റെ ജനക്ഷേമ നടപടികളും വിശദീകരിക്കും. ലോക്സഭാ തിരഞ്ഞെടുപ്പിന് മുന്നോടിയായി പാര്ട്ടിയെ സജ്ജമാക്കുകയാണ് ജാഥയുടെ ലക്ഷ്യം.
ബജറ്റിലെ നികുതി വര്ധന ഉള്പ്പെടെ സര്ക്കാരിനെയും പാര്ട്ടിയെയും ബാധിച്ച വിവാദങ്ങളെ മറികടക്കുക എന്ന ലക്ഷ്യവും ജാഥയ്ക്കുണ്ട്. പി.കെ. ബിജുവാണ് ജാഥയുടെ മാനേജര്. സി എസ് സുജാത, എം സ്വരാജ്, കെ ടി ജലീല്, ജെയ്ക് സി തോമസ് എന്നിവരാണ് സ്ഥിരാംഗങ്ങള്. മാര്ച്ച് 18ന് തിരുവനന്തപുരത്താണ് സമാപനം.