തിരുവനന്തപുരം : ശമ്പളപ്രതിസന്ധിയെത്തുടര്‍ന്ന് സിഐടിയു പ്രവര്‍ത്തകര്‍ കെഎസ്ആര്‍ടിസി ചീഫ് ഓഫിസ് വളഞ്ഞു. പ്രവര്‍ത്തകര്‍, ജീവനക്കാരെ അകത്ത് പ്രവേശിപ്പിക്കാതെയാണ് ഉപരോധം നടത്തിയത്. സിപിഎമ്മിന്റെ തൊഴിലാളി സംഘടനയുടെ ഈ നീക്കം സര്‍ക്കാരിനെ പ്രതിരോധത്തിലാക്കും. ശമ്പളവിഷയത്തില്‍ സ്ഥിരമായ നിലപാട് വേണമെന്നാണ് സിഐടിയുവിന്റെ ആവശ്യം.
കെഎസ്ആര്‍ടിസി ചീഫ് ഓഫീസിന്റെ പ്രവര്‍ത്തനം തടസപ്പെട്ടു. സര്‍വീസുകള്‍ മുടക്കാതെ പ്രധാന ഉദ്യോഗസ്ത്ഥര്‍ വരുന്ന ഓഫീസ് വളയാനായിരുന്നു സിഐടിയു തീരുമാനം. 27ന് ഗതാഗത മന്ത്രി തൊഴിലാളി യൂണിയനുകളെ ചര്‍ച്ചയ്ക്ക് വിളിച്ചിട്ടുണ്ട്.
