ജയ്പൂര് : ദളിത് സമുദായത്തില് നിന്നുള്ള ഒമ്ബത് വയസ്സുകാരന് അധ്യാപകന്റെ ക്രൂരമര്ദ്ദനത്തിനെ തുടര്ന്ന് ദാരുണാന്ത്യം.
അധ്യാപകന്റെ കുടിവെള്ള പാത്രത്തില് നിന്ന് വെള്ളം കുടിച്ചതിനാണ് കുട്ടിയെ അധ്യാപകന് ചായില് സിംഗ് ക്രൂരമായി അടിച്ചുകൊന്നത്. അധ്യാപകന് വേണ്ടി പാത്രത്തിലാക്കി വച്ച വെള്ളം കുടിച്ചതാണ് ഇയാളെ പ്രകോപിപ്പിച്ചത്. കുട്ടിയുടെ കൊലപാതകത്തില് അധ്യാപകനെ പൊലീസ് അറസ്റ്റ് ചെയ്തു.
ജലോര് ജില്ലയിലെ സാല്യ ഗ്രാമത്തില് ഒരു സ്വകാര്യ സ്കൂളില് ജൂലൈ 20നാണ് സംഭവം നടന്നത്. കണ്ണിനും ചെവിക്കും പരിക്കേറ്റ കുട്ടിയെ ആശുപത്രിയില് പ്രവേശിപ്പിച്ചെങ്കിലും കിട്ടി കഴിഞ്ഞ ദിവസം മരണത്തിന് കീഴടങ്ങി. 300 കിലോമീറ്റര് ദൂരെ അഹമ്മദാബാദിലുള്ള ആശുപത്രിയിലാണ് കുട്ടിയെ പ്രവേശിപ്പിച്ചിരുന്നത്.
കുട്ടിയുടെ പോസ്റ്റ് മോര്ട്ടം നടത്തി. സംസ്ഥാന വിദ്യാഭ്യാസ വകുപ്പ് വിഷയത്തില് അന്വേഷണം ആരംഭിച്ചിട്ടുണ്ട്. കൊലപാതകം, എസ് സി, എസ് ടി വിഭാഗത്തിനെതിരായ പീഡനങ്ങള് തടയല് എന്നീ നിയമപ്രകാരം അധ്യാപകനെതിരെ കേസ് രജിസ്റ്റര് ചെയ്തു. പ്രതിയെ ചോദ്യം ചെയ്ത് വരികയാണെന്ന് പൊലീസ് പറഞ്ഞു. കുടിവെള്ള പാത്രത്തില് തൊട്ടതിന് കുട്ടിയെ ക്രൂരമായി മര്ദിച്ചതായി കുട്ടിയുടെ കുടുംബം പരാതിയില് പറഞ്ഞു.