കോഴിക്കോട്: കോഴിക്കോട് കൊടുവള്ളിയില്‍ അമ്മയും മകനും ആത്മഹത്യ ചെയ്ത നിലയില്‍. ഞെള്ളോരമ്മല്‍ സ്വദേശി ഗംഗാധരന്റെ ഭാര്യ ദേവി(52), മകന്‍ അജിത് കുമാര്‍(32) എന്നിവരെയാണ് വീടിന് സമീപത്തെ ടവറിന് മുകളില്‍ തൂങ്ങിയ നിലയില്‍ കണ്ടെത്തിയത്.
കഴിഞ്ഞ ദിവസം ദേവിയുടെ ചികിത്സയുടെ ഭാഗമായി കോഴിക്കോടുള്ള വൈദ്യനെ ഇവര്‍ കണ്ടിരുന്നു. കാല് മുറിച്ച്‌ മാറ്റണമെന്ന് വൈദ്യര്‍ പറഞ്ഞതായും അതിനാല്‍ ഇനി ജീവിച്ചിരിക്കില്ലെന്നും ആത്മഹത്യ ചെയ്യാന്‍ പോവുകയാണെന്നും ഇവര്‍ വീട്ടിലേയ്ക്ക് വിളിച്ച്‌ അറിയിച്ചിരുന്നു. രാത്രി ആയിട്ടും ഇരുവരും വീട്ടിലെത്തിയില്ല. തുടര്‍ന്ന് എട്ട് മണിയോടെ ബന്ധുക്കള്‍ കൊടുവള്ളി പൊലീസില്‍ പരാതി നല്‍കി. നാട്ടുകാര്‍ നടത്തിയ തെരച്ചിലിലാണ് പുലര്‍ച്ചെ മൂന്നരയോടെ ഇരുവരെയും ടവറിന് മുകളില്‍ തൂങ്ങിയ നിലയില്‍ കണ്ടെത്തിയത്. ഉടന്‍ തന്നെ കോഴിക്കോട് മെഡിക്കല്‍ കോളേജ് ആശുപത്രിയില്‍ എത്തിച്ചെങ്കിലും മരണപ്പെട്ടിരുന്നു.
