ന്യൂഡല്ഹി: ജമ്മു കശ്മീരിന്റെ പ്രത്യേക പദവി റദ്ദാക്കിയ കേന്ദ്രസര്ക്കാര് തീരുമാനം ശരിവച്ച സുപ്രിംകോടതി വിധിക്കെതിരെ പുനഃപരിശോധനാ ഹരജി സമര്പ്പിച്ചു.
ജമ്മു കശ്മീര് പീപ്പിള്സ് മൂവ്മെന്റ് പ്രസിഡന്റ് ഡോക്ടര് ഹുസൈൻ, ജമ്മു കശ്മീര് അവാമി നാഷണല് കോണ്ഫറൻസ് പ്രസിഡന്റ് മുസഫര് ഷാ എന്നിവരാണ് സുപ്രിംകോടതിയില് ഹരജി നല്കിയത്. ആര്ട്ടിക്കിള് 370 ഇല്ലാതാക്കരുതെന്ന് ആവശ്യപ്പെട്ട് താൻ പുനഃപരിശോധനാ ഹരജി സമര്പ്പിച്ചതായി മുസഫര് ഷാ പറഞ്ഞു. സി.പി.എം എംപി മുഹമ്മദ് യൂസുഫ് തരിഗാമി, നാഷണല് കോണ്ഫറൻസ്, പി.ഡി.പി, അഭിഭാഷകനായ മുസഫര് ഇഖ്ബാല് എന്നിവരും പുനഃപരിശോധനാ ഹരജി സമര്പ്പിച്ചിട്ടുണ്ട്. ആര്ട്ടിക്കിള് 370 താല്ക്കാലികമാണെന്നും റദ്ദാക്കിയതില് തെറ്റില്ലെന്നും ചൂണ്ടിക്കാട്ടിയാണ് സുപ്രിംകോടതിയുടെ അഞ്ചംഗ ഭരണഘടനാ ബെഞ്ച് കഴിഞ്ഞ മാസം കേന്ദ്ര തീരുമാനം ശരിവച്ചത്.