റാഞ്ചി
ഖനി ഇടപാട് കേസില്‍ അറസ്റ്റ് ചെയ്യാന്‍ എന്‍ഫോഴ്സ്മെന്റ് ഡയറക്ടറേറ്റിനെ വെല്ലുവിളിച്ച്‌ ജാര്‍ഖണ്ഡ് മുഖ്യമന്ത്രി ഹേമന്ത് സോറന്.
റാഞ്ചിയിലെ ഇഡിയുടെ ഓഫീസില്‍ വ്യാഴാഴ്ച ഹാജരാകാന്‍ ഇഡി നോട്ടീസ് നല്കിയെങ്കിലും അദ്ദേഹം ഹാജരായില്ല.
‘ഞാന്‍ കുറ്റക്കാരനാണെങ്കില്‍ എന്തിനാണ് ചോദ്യം ചെയ്യുന്നത്? കഴിയുമെങ്കില്‍ വന്ന് അറസ്റ്റ് ചെയ്യൂ. ഗോത്രവര്‍ഗത്തില്‍നിന്നുള്ള മുഖ്യമന്ത്രിയെ അപമാനിക്കാനുള്ള ശ്രമമാണ് ഇഡിയുടെ സമന്‍സ്. ജനാധിപത്യപരമായി തെരഞ്ഞെടുത്ത ജാര്‍ഖണ്ഡ് സര്‍ക്കാരിനെ അസ്ഥിരപ്പെടുത്താന്‍ ബിജെപി കേന്ദ്രസേനയെ അഴിച്ചുവിട്ടിരിക്കുകയാണ്. ഇഡിയെയും സിബിഐയെയും എനിക്ക് ഭയമില്ല… എതിര്‍ക്കുന്ന ആരുടെയും ശബ്ദം അടിച്ചമര്‍ത്താന്‍ ഭരണഘടനാ സ്ഥാപനങ്ങളെ ദുരുപയോഗം ചെയ്യലാണിത്.”–-വീടിനുമുന്നില്‍ തടിച്ചുൂടിയ ജാര്‍ഖണ്ഡ് മുക്തിമോര്‍ച്ച പ്രവര്‍ത്തകരോട് അദ്ദേഹം പറഞ്ഞു. ഇഡി ഓഫീസിലെത്താന് നിര്ദേശിച്ച സമയത്താണ് ഹേമന്ത് സോറന് പാര്‍ടി പ്രവര്‍ത്തകരെ അഭിസംബോധന ചെയ്തത്.
