ബംഗളൂരു : കര്ണാടകയില് നിരോധിത സംഘടനയായ പോപ്പുലര് ഫ്രണ്ട് നേതാക്കളുടെ വീട്ടില് വ്യാപക റെയ്ഡ്. മംഗളൂരു ജില്ലയിലെ പിഎഫ്ഐ ബന്ധമുള്ള നേതാക്കളുടെ വീട്ടില് ഇന്ന് രാവിലെയോടെയാണ് റെയ്ഡ് ആരംഭിച്ചത്.
പരിശോധനയ്ക്ക് പിന്നാലെ അഞ്ച് പേരെ പോലീസ് കസ്റ്റഡിയില് എടുത്തിട്ടുണ്ട്.
മംഗളൂരുവിലെ വിവിധ ഇടങ്ങളില് റെയ്ഡ് തുടരുകയാണ്. മതഭീകര സംഘടനാ നേതാക്കള് രാജ്യവിരുദ്ധ പ്രവര്ത്തനങ്ങളില് ഏര്പ്പെട്ടുവെന്ന വിവരത്തിന്റെ അടിസ്ഥാനത്തിലാണ് മിന്നല് പരിശോധന. ഇവിടെ നിന്ന് നിരവധി രേഖകള് പിടിച്ചെടുത്തതായാണ് വിവരം. അഞ്ച് നേതാക്കളെയും പിടികൂടിയിട്ടുണ്ട്.
സംഘടനയെ നിരോധിച്ചതിന് പിന്നാലെ ജില്ലയില് പോപ്പുലര് ഫ്രണ്ട് ഓഫീസുകള്ക്ക് പോലീസ് പൂട്ടിട്ടിരുന്നു. എന്ഐഎയുടെ രാജ്യവ്യാപക റെയ്ഡിന് പിന്നാലെ സെപ്റ്റംബര് 28 നാണ് കേന്ദ്ര ആഭ്യന്തര മന്ത്രാലയം പോപ്പുലര് ഫ്രണ്ടിന് നിരോധനമേര്പ്പെടുത്തിയത്. രാജ്യവിരുദ്ധ പ്രവര്ത്തനങ്ങള്ക്കായി യുവാക്കളെ റിക്രൂട്ട് ചെയ്തു, മുസ്ലീം രാഷ്ട്രമാക്കാന് ഗൂഢാലോചന നടത്തി എന്നീ വിവരങ്ങളുടെ അടിസ്ഥാനത്തിലായിരുന്നു നടപടി.