കമ്ബളക്കാട്: എക്സൈസ് സംഘം വ്യാപാര സ്ഥാപനത്തില് നടത്തിയ പരിശോധനയില് ലഹരി ഉല്പന്നങ്ങള് പിടിച്ചെടുത്തു.
വയനാട് എക്സൈസ് ഡെപ്യൂട്ടി കമ്മീഷണറുടെ നിര്ദേശത്തിന്റെ അടിസ്ഥാനത്തില് കല്പറ്റ റേഞ്ച് ഇന്സ്പെക്ടറുടെ നേതൃത്വത്തില് നടത്തിയ പരിശോധനയിലാണ് കമ്ബളക്കാട് കോംപ്ലക്സ് റോഡിലെ ബിസ്മി സ്റ്റോറില് നിന്നും നിരോധിത ലഹരി ഉല്പ്പന്നങ്ങള് പിടികൂടിയത്.
780 ഹാന്സ്, 102 കൂള് ലിപ് എന്നിവയാണ് സംഘം പിടിച്ചെടുത്തു. സംഭവത്തില് കടയുടമ അഷ്റഫ് അട്ടശേരിക്കെതിരെ കേസെടുത്തിട്ടുണ്ട്. വിദ്യാഭ്യാസ സ്ഥാപനത്തിന് സമീപം ലഹരി ഉപപ്പന്നങ്ങള് വിറ്റത് ചൂണ്ടിക്കാട്ടി കടയുടെ ലൈസന്സ് റദ്ദാക്കാന് കണിയാമ്ബറ്റ പഞ്ചായത്തിന് എക്സൈസ് നിര്ദേശം നല്കി.റേഞ്ച് ഇന്സ്പെക്ടര് ബാബുരാജ്, പ്രിവന്റിവ് ഓഫിസര്മാരായ കൃഷ്ണന് കുട്ടി, വി.കെ. ചന്തു, ബിന്ദു എന്നിവരുടെ നേതൃത്വത്തിലായിരുന്നു പരിശോധന.