ന്യൂഡല്‍ഹി: ബോളിവുഡ് നടി കങ്കണ റാവത്തിനെ ബി.ജെ.പിയിലേക്ക് സ്വാഗതം ചെയ്ത് പാര്‍ട്ടി അധ്യക്ഷന്‍ ജെ.പി നദ്ദ.
പാര്‍ട്ടിയില്‍ ചേരാന്‍ അവരെ സ്വാഗതം ചെയ്യുന്നു. പക്ഷേ സീറ്റ് നല്‍കുന്നത് കൂടിയാലോചനകള്‍ക്ക് ശേഷം മാത്രമായിരിക്കുമെന്ന് അദ്ദേഹം പറഞ്ഞു.
2024ലെ ലോക്‌സഭാ തെരഞ്ഞെടുപ്പില്‍ ജനങ്ങള്‍ ആവശ്യപ്പെടുകയാണെങ്കില്‍ ഹിമാചല്‍ പ്രദേശിലെ മാണ്ഡ്യയില്‍ നിന്ന് മത്സരിക്കാന്‍ താന്‍ തയ്യാറാണെന്ന് നടി കങ്കണ റണാവത്ത് പറഞ്ഞിരുന്നു. രാഷ്ട്രീയത്തില്‍ പ്രവേശിച്ച്‌ പൊതുസേവനം ചെയ്യാന്‍ തയ്യാറാണോ എന്ന ചോദ്യത്തിന്, എല്ലാത്തരം പങ്കാളിത്തത്തിനും താന്‍ തയാറാണെന്ന് നടി മറുപടി നല്‍കി.
ഹിമാചല്‍ പ്രദേശിലെ ആളുകള്‍ തനിക്ക് സേവിക്കാന്‍ അവസരം നല്‍കിയാല്‍ അത് വളരെ മികച്ചതായിരിക്കും. തീവ്ര ഹിന്ദുത്വ നിലപാടുകളിലൂടെ ശ്രദ്ധേയായ നടി ഇതാദ്യമായാണ് തെരഞ്ഞെടുപ്പ് രാഷ്ട്രീയത്തിലേക്ക് ഇറങ്ങുന്നുവെന്ന സൂചന നല്‍കുന്നത്.
