മുംബൈ: സുപ്രീം കോടതിയില് നിന്നും ആശ്വാസം കിട്ടുമെന്ന പ്രതീക്ഷ അസ്ഥാനത്തായതോടെ, ഉദ്ധവ് താക്കറെ സര്ക്കാര് രാജിവച്ചു.
നാളെ വിശ്വാസ വോട്ടെടുപ്പ് തേടണമെന്ന സുപ്രീം കോടതി വിധിക്കു പിന്നാലെ സോഷ്യല് മീഡിയയില് ജനങ്ങളെ അഭിസംബോധന ചെയ്താണ് ഉദ്ധവ് രാജി പ്രഖ്യാപിച്ചത്. എന്സിപി അധ്യക്ഷന് ശരദ് പവാറിനും കോണ്ഗ്രസ് അധ്യക്ഷ സോണിയാ ഗാന്ധിക്കും നന്ദി അറിയിക്കുന്നതായി ഉദ്ധവ് താക്കറെ പറഞ്ഞു.
എന്നെ പിന്തുണച്ച എന്സിപി, കോണ്ഗ്രസ് പ്രവര്ത്തകര്ക്കും നന്ദി അറിയിക്കുകയാണ്. ഔറംഗബാദിനെ സംബാജി നഗറെന്നും ഒസ്മാനബാദിനെ ധരാഷിവ് എന്നും പേരുമാറ്റിയതില് ഞാന് തൃപ്തനാണ്. ബാലാസാഹേബ് താക്കറെ നിര്ദ്ദേശിച്ച പേരുകളാണിത് ഉദ്ധവ് താക്കറെ പറഞ്ഞു. അതേസമയം, നാളെ തന്നെ വിശ്വാസ വോട്ടെടുപ്പ്, നടക്കട്ടെയെന്നും, അന്തിമ തീര്പ്പ് കോടതിയിലെ കേസുകളുടെ അടിസ്ഥാനത്തില് ആയിരിക്കുമെന്നും സുപ്രീം കോടതി വ്യക്തമാക്കി. മൂന്നേകാല് മണിക്കൂര് നീണ്ട വാദത്തിന് ഒടുവിലാണ് കോടതി ഉത്തരവ്.
തുടര്ന്ന് 9.30യ്ക്ക് ഫേസ്ബുക്ക് ലൈവില് എത്തിയ ഉദ്ധവ് രാജിപ്രഖ്യാപിച്ചു.