ന്യൂഡല്ഹി: എലിസബത്ത് രാജ്ഞിയുടെ സംസ്കാരച്ചടങ്ങില് പ്രസിഡന്റ് ദ്രൗപദി മുര്മു പങ്കെടുക്കും. രാജ്ഞിയുടെ സംസ്കാരച്ചടങ്ങില് പങ്കെടുക്കാനും കേന്ദ്ര സര്ക്കാരിനെ പ്രതിനിധീകരിച്ച് അനുശോചനം അറിയിക്കാനും സെപ്റ്റംബര് 17ന് രാഷ്ട്രപതി ലണ്ടനിലെത്തും.
19 വരെ ലണ്ടനിലുണ്ടാകും.
എലിസബത്ത് രാജ്ഞി സെപ്റ്റംബര് 8 ന് ബാല്മോറല് കാസിലില് വേനല്ക്കാലം ചെലവഴിക്കുന്നതിനിടെയാണ് അന്തരിച്ചത്. സംസ്കാരം സെപ്റ്റംബര് 19ന് ലണ്ടനിലെ വെസ്റ്റ്മിന്സ്റ്റര് ആബിയില് നടക്കും.
രാഷ്ട്രപതി, ഉപരാഷ്ട്രപതി ജഗ്ദീപ് ധന്ഖര്, പ്രധാനമന്ത്രി നരേന്ദ്ര മോദി എന്നിവര് രാജ്ഞിയുടെ നിര്യാണത്തില് അനുശോചനം രേഖപ്പെടുത്തിയിരുന്നു. സെപ്റ്റംബര് 12ന് വിദേശകാര്യമന്ത്രി എസ് ജയശങ്കര് ഡല്ഹിയിലെ ബ്രിട്ടീഷ് ഹൈക്കമ്മീഷനെ സന്ദര്ശിച്ച് ഇന്ത്യയുടെ അനുശോചനം അറിയിച്ചിരുന്നു. സെപ്റ്റംബര് 11ന് ഇന്ത്യയില് ദേശീയ ദുഃഖാചരണവും ആചരിച്ചു.