ദില്ലി : രാജ്യത്തിന് അതുല്യമായ സംഭാവനകള് നല്കിയ അദ്ധ്യാപകരെ രാഷ്ട്രപതി ദ്രൗപദി മുര്മു ഇന്ന് ആദരിക്കും.
വിജ്ഞാന് ഭവനില് നടക്കുന്ന ചടങ്ങില് മലയാളിയായ ജെയ്നസ് ജേക്കബ് ഉള്പ്പെടെ 46 അദ്ധ്യാപകരെയാണ് പുരസ്കാരം നല്കി ആദരിക്കുന്നത്. കേന്ദ്ര വിദ്യാഭ്യാസ മന്ത്രി ധര്മേന്ദ്ര പ്രധാനും ചടങ്ങില് പങ്കെടുക്കും.
തൃശ്ശൂര് കേന്ദ്രീയ വിദ്യാലയത്തിലെ അധ്യാപികയാണ് ജെയ്നസ് ജേക്കബ്. കേന്ദ്രീയ വിദ്യാലയ സംഘതന് വിഭാഗത്തിലാണ് ഇവര് തിരഞ്ഞെടുക്കപ്പെട്ടത്. ഓണ്ലൈനായി മൂന്ന് ഘട്ടമായാണ് തിരഞ്ഞെടുപ്പ് പ്രക്രിയകള് നടത്തിയത്. കേന്ദ്ര വിദ്യാഭ്യാസ മന്ത്രാലത്തിന്റെ നേതൃത്വത്തിലാണ് മികച്ച അദ്ധ്യാപകരെ കണ്ടെത്തിയത്. പ്രധാനമന്ത്രി നരേന്ദ്ര മോദി പുരസ്കാര ജേതാക്കളുമായി കൂടിക്കാഴ്ച നടത്തും.
2018 മുതലാണ് രാജ്യത്തെ മികച്ച അദ്ധ്യാപകര്ക്ക് ദേശീയ അവാര്ഡ് നല്കി തുടങ്ങിയത്. സെപ്റ്റംബര് 5 ന് വിജ്ഞാന് ഭവനില് വിദ്യാഭ്യാസ മന്ത്രാലയമാണ് പുരസ്കാരങ്ങള് നല്കുന്നത്. വിദ്യാര്ത്ഥികളുടെ ജീവിതം സമ്ബന്നമാക്കി തീര്ക്കുന്ന അദ്ധ്യാപകരെ ആദരിക്കുക എന്ന ലക്ഷ്യത്തോടെയാണ് പുരസ്കാരം നല്കുന്നത്.