ന്യൂഡല്‍ഹി: നൈജീരിയയിലേക്ക് കൊണ്ടുപോയ ഇന്ത്യക്കാര്‍ ഉള്‍പ്പെടെയുള്ള നാവികര്‍ തുറമുഖത്ത് കപ്പലില്‍ തന്നെ തുടരുന്നു.
ഹീറോയിക് ഇഡുനിലുള്ള നാവികര്‍ക്ക് നൈജീരിയന്‍ സൈനികര്‍ കാവല്‍ നില്‍ക്കുകയാണ്. നൈജീരിയയുടെ അടുത്ത നീക്കം എന്തായിരിക്കുമെന്ന് അറിയില്ലെന്നും നടപടികളെക്കുറിച്ച്‌ ഒരു വിവരവും ലഭിച്ചിട്ടില്ലെന്നും മലയാളി നാവികര്‍ പറഞ്ഞു.
അതേസമയം ഇവരെ മോചിപ്പിക്കാനുള്ള നയതന്ത്ര തല ചര്‍ച്ചകള്‍ തുടരുകയാണ്. കേന്ദ്ര വിദേശകാര്യ സഹമന്ത്രി മീനാക്ഷി ലേഖി ഇന്നലെ നൈജീരിയന്‍ ഹൈക്കമ്മീഷണറുമായി ഇതുസംബന്ധിച്ച്‌ ചര്‍ച്ച നടത്തിയിരുന്നു.
