ഇന്ത്യന്‍ ആരോസ് ഇനി തുടരില്ല എന്ന് കഴിഞ്ഞ ദിവസം എ ഐ എഫ് എഫ് അറിയിച്ചിരുന്നു. ഇത് ആരോസില്‍ കരാര്‍ ഉള്ള താരങ്ങളെ വലിയ രീതിയില്‍ ബാധിക്കും.
ആരോസ് താരങ്ങള്‍ക്ക് ജനുവരി അവസാനം വരെ എവിടെയും കളിക്കാന്‍ ആകില്ല എന്ന് എ ഐ എഫ് എഫ് ജനറല്‍ സെക്രട്ടറി ഷാജി പ്രഭാകരന്‍ അറിയിച്ചു. ട്രാന്‍സ്ഫര്‍ വിന്‍ഡോ അവസാനിച്ചതു കൊണ്ട് ജനുവരി ആയാല്‍ മാത്രമെ ഇനി മറ്റു ക്ലബുകളിലേക്ക് താരങ്ങള്‍ക്ക് നീങ്ങാന്‍ ആവു എന്ന് ടൈംസ് ഓഫ് ഇന്ത്യ റിപ്പോര്‍ട്ട് ചെയ്യുന്നു.
ജനുവരി വരെ എ ഐ എഫ് എഫിനൊപ്പം താരങ്ങള്‍ പരിശീലനം നടത്തും എന്നും ഷാജി പ്രഭാകരന്‍ ടൈംസ് ഓഫ് ഇന്ത്യയോട് പറഞ്ഞു. ജനുവരിയില്‍ താരങ്ങളെ മറ്റു ക്ലബുകളിലേക്ക് നീങ്ങാന്‍ അനുവദിക്കും എന്നും അദ്ദേഹം പറഞ്ഞു.
AFC ലൈസന്‍സിംഗ് മാനദണ്ഡങ്ങള്‍ പാലിക്കുന്നതില്‍ ബുദ്ധിമുട്ടുള്ളതിനാല്‍ ആണ് ഹീറോ ഐ-ലീഗിലെ ഇന്ത്യന്‍ ആരോസിന്റെ പങ്കാളിത്തം നിര്‍ത്താന്‍ എ ഐ എഫ് എഫ് സാങ്കേതിക സമിതി തീരുമാനിച്ചത്.
ഇന്ത്യന്‍ ആരോസിനായി ഉപയോഗിച്ച പണം രാജ്യത്ത് ഒരു പുതിയ എലൈറ്റ് യൂത്ത് ലീഗ് സൃഷ്ടിക്കാന്‍ പദ്ധതിയുണ്ടാക്കും എന്നും എ ഐ എഫ് എഫ് അറിയിച്ചിരുന്നു.
2010ല്‍ ആയിരുന്നു ആരോസ് ആരംഭിച്ചത്. 2013ല്‍ സാമ്ബത്തിക പ്രതിസന്ധി കാരണം നിര്‍ത്തിവെച്ച ആരോസ് പിന്നീട് 2017ല്‍ വീണ്ടും ഐ ലീഗിന്റെ ഭാഗമായി തുടങ്ങുകയായിരുന്നു
